«Քարդիֆի» հարձակվող Քրեյգ Բելամին չի բացառում, որ այս մրցաշրջանի ավարտից հետո կորոշի ավարտել կարիերան:
34-ամյա ուելսցու խոսքերով, նա լրջորեն մտածում է մարզչական կարիերա ստեղծելու մասին: Պրեմիեր Լիգայում հանդես գալու ընթացքում նա շատ ակումբներ է փոխել, սակայն այժմ պատրաստ է խաղակոշիկները մեխից կախել:
-Իմ տրամադրությունը փոխվում է: Ես գիտեմ, որ դժվար կլինի դադարել մտածել այն մասին, ինչն արդեն իմ գլխում է:
Ներկա պահին թվում է, որ այս մրցաշրջանը կարող է ինձ համար` որպես ֆուտբոլիստ, վերջինը լինել: Կյանքում, բացի ֆուտբոլից, շատ այլ հետաքրքիր բաներ կան: Երբ ավարտում ես, այդ ժամանակ սկսվում են իսկական արկածները, և ես անհամբերությամբ այդ պահին եմ սպասում:
Ես պրոֆեսիոնալ մակարդակով արդեն 17-18 տարի է խաղում եմ, բայց դա ամբողջ կյանքը չէ: Ինձ սխալ մի հասկացեք, ես սիրում եմ ֆուտբոլը և վայելում եմ խաղադաշտում գտնվելու յուրաքանչյուր պահը,- Բելամիի խոսքերն է մեջբերում Sky Sports-ը: