«Քուինս Պարկ Ռեյնջերսի» պաշտպան Ռիո Ֆերդինանդն իր ինքնակենսագրականում, որը լույս տեսավ երեկ, Անգլիայի հավաքականում իր նախկին թիմակից Ջոն Թերրիին անվանել է սրիկա:
Ինչպես գիտենք, Ռիոն դադարեց շփվել Թերրիի և Էշլի Քոուլի հետ այն միջադեպից հետո, որը տեղի ունեցավ 2011թ-ի հոկտեմբերին, երբ «Չելսիի» ավագն ռասիստական բնույթի վիրավորանքներ հասցրեց Ֆերդինանդի փոքր եղբայր Անտոնին՝ նրան անվանելով «f***ing black c*nt». Այդ վիրավորանքը չի մոռացվել մինչ այժմ:
-Ինձ համար մեծագույն սրիկան ընդմիշտ կմնա Ջոն Թերրին: Նա որպես Անգլիայի հավաքականի ավագ և պաշտպանության կենտրոնում իմ թիմակից, կարող էր մեղմացնել հասցրած վիրավորանքը, եթե անմիջապես խոստովաներ, որ ռասիստ չէ, այլ ուղղակի արտահայտություն ընտրելիս չափից շատ է տաքացել:
Անտոնը և ես կընդունեինք այն, սակայն նա մեզ հնարավորություն չտվեց: Դրա մասին ես ընհանրապես չեմ խոսել Ջոնի հետ: Ես այլևս չեմ խոսել նրա հետ, սակայն երեք տարի հետո ես անհնար եմ համարում ներել կամ մոռանալ այն ցավը, որի միջով անցել ենք,- Ռիոյի խոսքերն է մեջբերում The Sun-ը:
