«Լիլլ»-ի աջ պաշտպան Մաթյո Դեբյուշին խոստովանել է, որ շարունակում է երազել «Նյուքասլ» տեղափոխվելու մասին:
Անցած ամառ «կաչաղակներ»-ը չկարողացան համաձայնության գալ ֆուտբոլիստի տրանսֆերի հարցում: Անգլիական ակումբը Ֆրանսիայի ազգային հավաքականի 27-ամյա ֆուտբոլսիտի համար առաջարկում էր 4 մլն ֆունտ, մինչդեռ «Լիլլ»-ը պահանջում էր ոչ պակաս, քան 6 մլն: Դեբյուշին ցավում է, որ չհաջողվեց տեղափոխվել Պրեմիեր Լիգա, սակայն հույսը չի կորցնում:
-Ես ցանկանում էի տեղափոխվել «Նյուքասլ», բայց ակումբի ղեկավար Միշել Սեյդուն չցանկացավ վաճառել իմ տրանսֆերը: Հիմա ես կենտրոնացած եմ «Լիլլ»-ում իմ ելույթների վրա, սակայն հուսով եմ, որ հնարավորություն կստանամ տեղափոխվել «Նյուքասլ»,- ասել է Դեբյուշին: The Sun
