Հոլանդական «Ֆեյենորդը» պատրաստվում է փորձ կատարել «Արսենալի» կիսապաշտպան Ռիո Միյաչիին ձեռք բերելու համար:
20-ամյա ճապոնացին «Էմիրեյթս» է տեղափոխվել 2011թ-ի ձմռանը, սակայն դեռևս ոչ մի կերպ չի կարողանում ամրապնդվել Արսեն Վենգերի թիմում: Խաղային փորձը պահպանելու համար, Միյաչին վարձավճարով հանդես է եկել նույն «Ֆեյենորդում», «Բոլթոնում» և «Ուիգանում»:
Անցած մրցաշրջանի երկրորդ կեսը Ռիոն անցկացրեց «Ուիգանում», սակայն ծնկի վնասվածքի պատճառով չկարողացավ իրեն դրսևորել «Դի Դաբլ Յուում»:
-Մենք աշխատում ենք Ռիո Միյաչիին ձեռք բերելու հարցով, սակայն դեռևս իրավիճակն անորոշ է,- Sky Sports-ին հայտնել է «Ֆեյենորդի» գլխավոր մարզիչ Ռոնալդ Կումանը:
