«Չելսիի» գլխավոր մարզիչ Ժոզե Մոուրինյոն հայտնել է, որ գոհ է իր թիմից և չի տխրի, եթե իրենց չհաջողվի ձեռք բերել «Մանչեսթեր Յունայթեդի» հարձակվող Ուեյն Ռունիին:
Վերջերս Մոուրինյոն խոստովանել էր, որ Ռունին մնում է իր ակումբի միակ տրանսֆերային նպատակը մինչև ամռան ավարտը: Սակայն, մերժում ստանալով՝ «Չելսին» չի պատրաստվում բարելավված առաջարկ ներկայացնել:
-Ներկա պահին մենք արել ենք այն, ինչը բոլորին է հայտնի: Մենք հրապարակայնորեն առաջարկություն արեցինք և դրանից բացի, ոչինչ չենք ձեռնարկել: Մենք այս հարցում հանգիստ ենք, ինչպես և ասել էինք: Մենք հանգիստ ենք, քանի որ գոհ ենք նրանից, ինչ ունենք,- Մոուրինյոյի խոսքերն է մեջբերում ESPN-ը:
