Լոնդոնի «Չելսի»-ն հետաքրքրվում է Թեո Ուոլկոտի ծառայություններով և The Telegraph-ի հաղորդմամբ, այս ձմռանը կփորձի ձեռք բերել անգլիացի կիսապաշտպանի տրանսֆերային իրավունքները:
Չնայած «Չելսի»-ն վաղուց է հետևում Ուոլկոտի խաղին, սակայն երեկ «Էմիրեյթս»-ում ներկա են եղել նաև «ազնվականների» սկաուտները:
«Չելսի»-ն պատրաստ է Թեոյին առաջարկել հարձակվողի դիրքը, ինչի հնարավորություն նա չի ստանում «Արսենալ»-ում:
Հիշեցնենք, որ Ուոլկոտի պայմանագիրը «զինագործներ»-ի հետ ավարտվում է 2013թ-ի ամռանը: Ավելի վաղ «Արսենալ»-ի գլխավոր մարզիչը հայտնել էր, որ Թեոյի շուրջ ստեղծված խնդիրները լուծում կստանան մինչև դեկտեմբեր:
Ուոլկոտը «Արսենալ»-ում է 2006թ-ից, մասնակցել է 156 խաղի և խփել 28 գնդակ:
