Դորտմունդի «Բորուսիայի» կիսապաշտպան Յակուբ Բլաշիկովսկին խոստովանել է, որ մերժել է «Մանչեսթեր Սիթիի» առաջարկը:
Լեհաստանի հավաքականի ֆուտբոլիստն արդեն վեց տարի հանդես է գալիս Դորտմունդում, և այդ ընթացքում երկու անգամ դարձել է Բունդեսլիգայի չեմպիոն: Անցած տարի Յակուբն իր թիմի հետ հասավ մինչև Չեմպիոնների Լիգայի եզրափակիչ:
Հունիսին 27-ամյա Բլաշիկովսկին նոր պայմանագիր ստորագրեց դորտմունդցիների հետ` մերժելով «Սիթիի» առաջարկը: Լեհի կարծիքով «Բորուսիան» ավելի բարձր մակարդակի ակումբ է, քան «Մանչեսթեր Սիթին»:
-«Բորուսիան» առավելություն ունի «Սիթիի» նկատմամբ: Մենք հրաշալի թիմ ունենք, ֆանտաստիկ մարզիչ, աներևակայելի երկրպագուներ և առջևում` շատ վառ ապագա:
Դորտմունդում իմ ընտանիքն ու ես ունենք ամեն անհրաժեշտ բան: Ես չեմ ձգտում նրան, որ այլ ակումբներ հետաքրքրվեն ինձանով,- լեհական Przeglad Sportowy թերթի հետ հարցազրույցում հայտնել է Բլաշիկովսկին:
