«Արսենալի» վինգեր Թեո Ուոլկոտը կարծում է, որ իր թիմը բավական ուժեղ է նաև այն պարագայում, եթե իրենց չհաջողվի գնել «Լիվերպուլի» հարձակվող Լուիս Սուարեսին:
Գաղտնիք չէ, որ «զինագործներն» ակտիվորեն փորձեր են կատարում 26-ամյա ուրուգվայցուն գնելու համար: Ինչպես երևում է, Ուոլկոտը հավատում է նաև «Արսենալի» ներկայիս թիմին:
-Շատ ուրախ կլինեմ, եթե նա միանա մեզ: Սակայն եթե մենք մնանք այս կազմով, ապա կշարունակենք լինել առաջնության ուժեղագույն թիմերից մեկը:
Նոր մրցաշրջանում մենք պետք է կայունությունը ավելացնենք: Կարող եմ ասել, որ «Արսենալի» բոլոր ֆուտբոլիստներն էլ թոփ մակարդակի են,- Ուոլկոտի խոսքերն է մեջբերում Sky Sports-ը:
