«Չելսի»-ի դարպասապահ Պետր Չեխը իր աջակցությունն է հայտնել «Լիվերպուլ»-ի հարձակվող Լուիս Սուարեսին և հայտնել, որ ուրուգվացուն չի համարում սիմուլյանտ:
-Սուարեսը արժանի է մեր հարգանքին, քանի որ դարպասապահի դեմ մեն-մենակ դուրս գալիս նա չի ցատկում, չի ձևացնում, խաղում է արդար խաղի կանոններով: Եվ դա է ճիշտը:
Մենք բոլորս գիտենք թե նա ինչքան վտանգավոր է տուգանային հրապարակում: Նա բնածին ռմբարկու է և մշտապես գտնվում է ճիշտ տեղում, ճիշտ պահին: Այդպիսի տաղանդ ոչ բոլորն ունեն:
Խփված գոլերի վիճակագրությամբ Սուարեսը լավ դիրքում է: Ցավոք նա կարողացավ խփել նաև կիրակի օրը,- ասել է Պետր Չեխը: The Sun
Հիշեցնենք, որ անցած կիրակի «Սթեմֆորդ Բրիջ» մարզադաշտում Լուիս Սուարեսին հաջողվեց գրավել Չեխի պաշտպանած դարպասը:
