«Լիվերպուլի» փլեյմեյքեր Ֆիլիպե Կոուտինյոն հայտնել է, որ ցանկանում է ավելի շատ գոլեր խփել:
Մեկ տարի առաջ «կարմիրները» Կոուտինյոյին «Ինտերից» գնեցին 8.5 մլն ֆունտով: Ֆիլիպեն արագ հարմարվեց Բրենդան Ռոջերսի թիմին և դարձավ առաջատարներից մեկը:
Սակայն 21-ամյա բրազիլիացին չի պատրաստվում բավարարվել ձեռք բերածով և ցանկանում է իր թիմին օգնել նաև խփած գոլերով:
-Ես լավ դիրքում եմ խաղում և պետք է բարելավեմ խաղս, որպեսզի ավելի շատ գոլեր խփեմ: Պետք է ավելի քրտնաջան աշխատել, որպեսի դառնաս մեծ ֆուտբոլիստ,- LFC TV-ին հայտնել է Կոուտինյոն:
