«Ստոկ Սիթիի» դարպասապահ Ասմիր Բեգովիչը և կիսապաշտպան Ուսամա Ասսաիդին հայտնել են, որ պատրաստ են մնալ «Բրիտանիայում»:
Թերթերը 26-ամյա Բեգովիչին ուղարկում են Պրեմիեր Լիգայի տարբեր թոփ ակումբներ, սակայն բոսնիացի դարպասապահը, ով «Ստոկի» հետ կապված է երկարաժամկետ պայմանագրով, մտադիր չէ հեռանալ ակումբից:
-Ես մտադիր եմ աշխարհի առաջնությունից հետո վերադառնալ այստեղ: Ինձ դուր է գալիս, որ ակումբն ուժեղանում է և առաջ է շարժվում: Ես ինձ այստեղ լավ եմ զգում,- ասել է Ասմիրը: talkSPORT
Ինչ վերաբերվում է 25-ամյա Ասսաիդիին, ում տրանսֆերային իրավունքները պատկանում են «Լիվերպուլին», ապա նա պատրաստ է քննարկել «Ստոկի» հետ մշտական պայմանագիր ստորագրելու հարցը:
-Ես շատ երջանիկ եմ «Ստոկում»: Մարզիչը վստահում է ինձ և դա այն է, ինչ ինձ անհրաժեշտ է: Տեսնենք, թե ինչ կորոշի «Լիվերպուլը»: Եթե նրանք ինձ հնարավորություն չտան, ապա կարիերան շարունակելու համար «Ստոկը» լավ տարբերակ է,- ասել է Ասսաիդին: The Sentinel
