Մադրիդի «Ռեալի» աստղ Գարեթ Բեյլը կարծում է, որ 71 մլն ֆունտով Խամես Ռոդրիգեսի «Ռեալ» տեղափոխվելը խոսում է այն մասին, որ Լա Լիգան մյուս առաջնություններից ավելի գրավիչ է:
Այս ամռանը Ռեդրիգեսը, ինչպես նաև Լուիս Սուարեսը համալրեցին իսպանական գրանդների շարքերը: Եվ չնայած որ Իսպանիա տեղափոխվող բոլոր աստղերը բաժին են հասնում «Բարսելոնային» և «Ռեալին», Բեյլը ավելի հետաքրքրիր առաջնություն է համարում Լա Լիգան, քան Պրեմիեր Լիգան:
-Իսպանիայի առաջնությունն ամենահետաքրքիրն է, և աշխարհի լավագույն ֆուտբոլիստները հանդես են գալիս այստեղ: «Բարսելոնան» և «Ռեալը» միշտ մոտ են գտնվում Չեմպիոնների Լիգայի եզրափակչին կամ հաղթում են այն:
Պրեմիեր Լիգան նույնպես ուժեղ է, սակայն լավագույն ֆուտբոլիստները Լա Լիգայում են,- «Տոտտենհեմի» նախկին ֆուտբոլիստի խոսքերն է մեջբերում BBC-ն:
