«Արսենալը» պաշտոնապես հայտնել է «Սաութհեմպտոնի» աջ պաշտպան Քալում Չեմբերսի տրանսֆերը ձեռք բերելու մասին:
Գործարքն արժեցել է 16 մլն ֆունտ: Անգլիայի մինչև 19 տարեկանների հավաքականի ֆուտբոլիստը «զինագործների» հետ երկարաժամկետ պայմանագիր է ստորագրել:
-Ես շատ ուրախ եմ «Արսենալ» տեղափոխվելու համար: Ինձ միշտ դուր է եկել այս թիմի խաղաոճը: «Արսենալը» Եվրոպայի ուժեղագույն ակումբներից է, և ես անհամբերությամբ սպասում եմ նոր մրցաշրջանին,- ասել է Չեմբերսը:
Ավելացնենք, որ Չեմբերն առաջին անգամ «Արսենալի» կազմում դաշտ դուրս կգա Emirates Cup-ի ժամանակ, որը կկայանա օգոստոսի 2-ին և 3-ին:
