«Սաութհեմպտոնը» պաշտոնապես հայտնել է Մադրիդի «Ատլետիկոյի» և Բելգիայի ազգային հավաքականի պաշտպան Տոբի Ալդերվերելդին մեկ տարով վարձակալելու մասին:
Տոբին «Ատլետիկոյում» ընդամենը մեկ մրցաշրջան անցկացրեց, որտեղ այդպես էլ չկարողացավ դառնալ հիմնական կազմի ֆուտբոլիստ: Այս ամռանը խոսվում էր Տոբիի՝ «Տոտտենհեմ» և «Արսենալ» տեղափոխվելու մասին, սակայն Ալդերվերելդն ընտրեց «սրբերին»:
25-ամյա Ալդերվերելդի միջոցով «Սաութհեմպտոնը» կփոխարինի «Լիվերպուլ» տեղափոխված Դեյան Լովրենին: Պաշտպանությունից բացի Տոբին կարող է խաղալ նաև որպես կիսապաշտպան:
-Ես նրան լավ եմ ճանաչում, քանի որ Տոբին մի քանի տարի խաղացել է «Այաքսում»: Հետո նա տեղափոխվեց «Ատլետիկո», որտեղ այնքան էլ հաճախ չէր խաղում, ինչի պատճառով էլ որոշեց միանալ մեզ,- ասել է «Սաութհեմպտոնի» գլխավոր մարզիչ Ռոնալդ Կումանը:
