Պրեմիեր Լիգայի 12-րդ տուրի կենտրոնական հանդիպումը տեղի ունեցավ Լոնդոնի «Էմիրեյթս» մարզադաշտում, ուր «Արսենալը» հյուրընկալել էր «Մանչեսթեր Յունայթեդին»:
«Կարմիր սատանաները» 1:2 հաշվով առավելության հասան լոնդոնյան ակումբի նկատմամբ: Հանդիպման հաշիվը 56-րդ րոպեին ինքնագոլով բացեց Կիերան Գիբսը, իսկ մանկունյանցիների առավելությունը 85-րդ րոպեին կրկնապատկեց Ուեյն Ռունին: Խաղի վերջին րոպեին էլ հաշվի տարբերությունը նվազագույնի հասցրեց վնասվածքից նոր ապաքինված Օլիվյե Ժիրուն:
Այս հաղթանակից հետո Լուի վան Գալի սաները՝ վաստակած 19 միավորով բարձրացան 4-րդ հորիզոնական:
Գոլեր. Գիբս՝ 56ր (ինքն.), Ռունի՝ 85ր, Ժիրու՝ 90ր:
