«Սանդերլենդի» գլխավոր մարզիչ Մարտին Օ’Նիլը հայտնել է, որ իր թիմը հայտնվել է վտանգավոր գոտում, որտեղ պայքար է գնում Պրեմիեր Լիգան չլքելու համար:
Կիրակի օրը «Նորվիչին» 2:1 հաշվով պարտվելուց հետո «սև կատուները» հայտնվեցին 17-րդ հորիզոնականում և 1 միավոր է նրանց բաժանում 18-րդ հորիզոնականում գտնվող «Սաութհեմպտոնից»:
-Մինչև այն պահը, երբ դու չես հավաքում անհրաժեշտ միավորները, այլ բանի մասին մտածել չես կարող: Ամեն ինչ շատ պարզ է: Մեզ երեք միավոր էր պետք: Այժմ մենք ունենք ընդամենը 13 միավոր, ինչը շատ քիչ է: Դա պետք է շտկել:
Մեր դիրքը հիմա այնպիսին է, որ պետք է պայքարենք Պրեմիեր Լիգայում մնալու համար: Անցած տարի մեզ դա հաջողվեց և հուսով եմ, որ այս տարի էլ կկարողանանք անել դա,- ասել է Օ’Նիլը:
Ավելացնենք նաև, որ կիրակի օրը վնասվածք ստացավ թիմի ռմբարկու Սթիվեն Ֆլետչերը: BBC
