«Արսենալի» լեգենդ Թիերի Անրին հայտնել է, որ Արսեն Վենգերի թիմը պարտավոր է այս մրցաշրջանում հաղթել Պրեմիեր Լիգան։
Կիրակի օրը «Մանչեսթեր Յունայթեդին» ջախջախելուց հետո (3։0) «զինագործները» առաջատարի հետ միավորների տարբերությունը հասցրեցին 2-ի։ Այդ հաղթանակից հետո Արսեն Վենգերը հաստատեց, որ իրենք հույսով են պայքարել տիտղոսի համար։
Իսկապես, ճգնաժամում գտնվող «Չելսին», դեռևս իր խաղը չվերգտած «Յունայթեդը» և անկայուն պաշտպանություն ունեցող «Մանչեսթեր Սիթին» չեմպիոնական պայքարում լավ հնարավորություններ են ստեղծել «Արսենալի» համար, և Անրին իր նախկին ակումբին խորհուրդ է տալիս ձեռքից բաց չթողնել այդ հնարավորությունը։
-«Արսենալը» պարտավոր է այս տարի հաղթել առաջնությունը։ Նրանք պետք է անեն դա։ Ես չգիտեմ, թե նրանք երբ ավելի լավ հնարավորություն կստանան։ Նրանք պարտավոր են հաղթել,֊ ասել է Անրին։ Sky Sports
Բացի այդ, լեգենդար ֆրանսիացին «Արսենալին» խորհուրդ է տվել հանուն Պրեմիեր Լիգայի զոհաբերել եվրոգավաթներում իրենց ելույթները։
