Պրեմիեր Լիգայի 8-րդ տուրում «Արսենալը» հյուրընկալվել էր 17-րդ հորիզոնականում գտնվող «Ֆուլհեմին»։
Լոնդոնյան դերբիում ջախջախիչ հաղթանակ տարան զինագործները։ Հյուրերից դուբլի հեղինակ դարձան Ալեքսանդր Լակազետը և Պյեր-Էմերիկ Օբամեյանգը, մեկ գոլ էլ խփեց փոխարինման դուրս եկած Աարոն Ռեմսին։ Դաշտի տերերի միակ գոլը 44-րդ րոպեին խփեց Անդրե Շյուրլեն։
Այս հաղթանակից հետո «Արսենալը» վաստակած 18 միավորով մտավ լավագույն քառյակ։
Գոլեր․ Շյուրլե՝ 44ր, Լակազետ՝ 29ր, 49ր, Ռեմսի՝ 67ր, Օբամեյանգ՝ 79ր, 90ր։
