Պրեմիեր Լիգայի 17-րդ տուրում «Արսենալը» հյուրընկալվեց «Մադեյսկի» մարզադաշտում: «Ռեդինգը» ի տարբերություն «Արսենալի» հետ նախորդ դիմակայությանը, այս անգամ չկարողացավ ոչինչ անել: «Զինագործները» անկասելի էին: 14-րդ րոպեին Լուկաս Պոդոլսկին սկիզբը դրեց գոլային տարափի: Առաջին խաղակեսում Պոդոլսին հասցրեց նաև գոլային փոխանցում կատարել, իսկ Սանտի Կազորլան դարձավ դուբլի հեղինակ:
Երկրորդ խաղակեսում էլ «զինագործները» դադար չառան: 60-րդ րոպեին Կազորլան հեթ-տրիկի հեղինակ դարձավ՝ հաշիվը դարձնելով 0:4: Սակայն անգամ 4 անընդմեջ խփած գոլերը չկոտրեցին «Ռեդինգին»: Մակդերմոտտի սաները կարողացան 5 րոպեում 2 գոլ խփել: Ավելին անել նրանց չհաջողվեց: 80-րդ րոպեին Թեո Ուոլկոտը խփեց իր թիմի 5-րդ գնդակը:
Այս հաղթանակից հետո «Արսենալը» բարձրացավ 5-րդ հորիզոնական: Իսկ «Ռեդինգը» կմնա մրցաշարային աղյուսակի վերջին հորիզոնականում:
Գոլեր. Պոդոլսկի՝ 14ր, Կազորլա՝ 32ր, 34, 60ր լե Ֆոնդրե՝ 66ր, Կեբե՝ 71ր, Ուոլկոտ՝ 80ր