«Վուլվերհեմպտոնը» համաձայնության է եկել «Սպորտինգի» կիսապաշտպան Մատեուս Նունեշի տրանսֆերի շուրջ:
Ինչպես հայտնում է The Guardian-ը, «Սպորտինգը» ընդունել է «գայլերի» 45 միլիոն եվրոյի առաջարկը: Եվս 5 մլն եվրո (4,2 մլն ֆունտ) տրամադրվում է բոնուսների տեսքով:
Եթե գործարքը կայանա, դա կլինի ակումբի պատմության ամենաթանկ ձեռքբերումը: Առայժմ ամենաթանկ տրանսֆերը մնում հարձակվող Ֆաբիո Սիլվան, ով անցյալ ամառ 35 միլիոն ֆունտով գնվեց «Պորտուից» և այս մրցաշրջանում վարձավճարով ուղարկվեց «Անդերլեխտ»:
Նունեշը երեք հիանալի մրցաշրջան անցկացրեց Լիսաբոնում, իսկ անցյալ տարի, լինելով ծագումով բրազիլացի, իր նորամուտը նշեց Պորտուգալիայի հավաքականում։ Նախկինում 23-ամյա ֆուտբոլիստի նկատմամբ հետաքրքրություն է առաջացել նաև «Լիվերպուլի» և «Մանչեսթեր Սիթիի» մոտ:
Այս ամառ, Նունեշը կդառնա երրորդ նորեկը Բրունո Լեյջի թիմում ՝ Նաթան Քոլինսից և Գոնսալու Գեդեշից հետո, որոնք «Վուլվզ»-ի համար արժեցել են համապատասխանաբար 20,5 միլիոն ֆունտ և 35 միլիոն ֆունտ:
