Մադրիդի «Ռեալը» հետևում է «Մանչեսթեր Յունայթեդի» և Պորտուգալիայի հավաքականի կիսապաշտպան Բրունո Ֆերնանդեսին։
Ֆերնանդեսը «Յունայթեդում» հանդես է գալիս 2020 թվականից՝ 146 խաղում դառնալով 53 գոլի հեղինակ։ Բրունոյի պայմանագրի ժամկետը լրանում է 2026 թվականի հունիսին։
28-ամյա կիսապաշտպանը երջանիկ է «Օլդ Թրաֆորդում», բայց չի բացառում, որ ապագայում կփորձի ավելի բարձր մակարդակ տեղափոխվել, հայտնում է Պորտուգալիայի Record-ը:
Միևնույն ժամանակ, «Ռեալը» վաղեմի հետաքրքրություն ունի Ֆերնանդեսի նկատմամբ՝ նույնիսկ այն ժամանակներից, երբ Բրունոն խաղում էր «Սպորտինգում»։
Մադրիդի «Ռեալը» Լուկա Մոդրիչի և Տոնի Կրոսի տարիքի պատճառով ստիպված է մտածել կիսապաշտպանությունն ուժեղացնելու մասին, իսկ Մադրիդում վստահ են, որ Ֆերնանդեսը հիանալի համալրում կլինի Կարլո Անչելոտիի թիմում։
