Թուրքիայում տեղի ունեցած երկրաշարժից հետո փլատակների տակ ողջ են գտել «Նյուքասլի», «Էվերթոնի» և «Չելսիի» նախկին հարձակվող Քրիստիան Ատսուն։
Երկուշաբթի վաղ առավոտյան Թուրքիայի հարավում տեղի է ունեցել վերջին տասնամյակների ընթացքում երկրի համար ամենահզոր երկրաշարժը՝ 7,8 մագնիտուդով։
Դրա հետևանքով Թուրքիայում և հարևան Սիրիայում հազարավոր շենքեր են ավերվել, իսկ 31 ամյա Ատսուն, ով այժմ ներկայացնում է «Հաթայսպորը», հայտնվել է դրանցից մեկի փլատակների տակ։
Սակայն այժմ Գանայի ֆուտբոլի ֆեդերացիան պաշտոնապես հաստատել է, որ Ատսուին ողջ-առողջ հանել են շենքի փլատակների տակից։ Քրիստիանն այժմ հիվանդանոցում է և բուժում է ստանում։
Միաժամանակ «Հաթայսպորի» մարզական տնօրեն Թաներ Սավուտը դեռ փլատակների տակ է։
