Դորտմունդի «Բորուսիան» կփորձի խանգարել Ջուդ Բելինգհեմին այս ամառ հեռանալ ակումբից՝ առաջարկելով անգլիացի կիսապաշտպանին նոր պայմանագիր:
Սպասվում է, որ այս մրցաշրջանը 19 ամյա Բելինգհեմի համար վերջինը կլինի Դորտմունդում, սակայն Դորտմունդի «Բորուսիան» չի կարողանում հաշտվել երիտասարդ աստղի հեռանալու հետ:
Ըստ Bild-ի՝ Դորտմունդի «Բորուսիայի» մարզական տնօրեն Սեբաստիան Կաելը նախատեսում է բանակցությունների սեղանի շուրջ բերել Ջուդին և նրա հայր Մարկին՝ փորձելով պահպանել «Բիրմինգհեմի» նախկին խաղացողին առնվազն ևս մեկ մրցաշրջան:
Դորտմունդի «Բորուսիան» Բելինգհեմին կառաջարկի իր ակումբի պատմության ամենաբարձր աշխատավարձը՝ տարեկան մոտ 13 մլն ֆունտ, և 131 մլն ֆունտ ստերլինգ գնման դրույթ:
Այնուամենայնիվ, գերմանական հրատարակությունը հավելում է, որ այս պահին Բելինգհեմի հեռանալը, ում կապում են «Մանչեսթեր Սիթիի», «Լիվերպուլի» և «Ռեալի» հետ, ավելի հավանական է թվում, քան նոր պայմանագիր ստորագրելը։
