«Մանչեսթեր Սիթիի» գլխավոր մարզիչ Պեպ Գվարդիոլան ասել է, որ նույնիսկ ինքը պաշտպանված չէ աշխատանքից հեռացումից:
Այս մրցաշրջանում միանգամից 12 մարզիչ, չհաշված սեպտեմբերին Գրեհեմ Փոթերի հեռանալը «Բրայթոնից», կորցրել են իրենց աշխատանքը Պրեմիեր լիգայում, ինչը նոր ռեկորդ է:
«Սիթին» ղեկավարելով 2016 թվականից՝ Գվարդիոլան Անգլիայի առաջնության հնաբնակներից է, սակայն Խոսեպն իրեն ամենևին ապահով չի զգում։
«Արդյունքները կարևոր են, բայց պետք է հաշվի առնել, թե արդյոք պլանն աշխատում է: Երբ ես երիտասարդ էի, այս երկիրը մարզիչներ պահելու ավանդույթ ուներ: Այսօր, երբ սեփականատերերը փոխվում են, երբ մեծ ճնշում կա, երբ շատ ներդրումներ կան… Դա դարձել է միակողմանի, և ես դա ըմբռնումով եմ զգում»։
«Բոլորը մեծ ճնշման տակ են՝ մարզիչը, ղեկավարությունը: Մարդիկ հավատում են փոփոխություններին, քանի որ կարծում են, որ ուրիշները կարող են ավելի լավ անել: Երբեմն դա աշխատում է, երբեմն՝ ոչ: Բոլոր մարզիչները դա գիտեն: Եթե դա չստացվի, դուք «միշտ վտանգի տակ եք»։
«Ինչպե՞ս խուսափեմ աշխատանքից հեռացվելուց, ես ձեզ մի գաղտնիք կասեմ՝ մենք հաղթում ենք խաղերը, եթե չհաղթեինք, ինձ կհեռացնեին»։- Գվարդիոլային մեջբերում է Sky Sports-ը:
