Մադրիդի «Ռեալի» գլխավոր մարզիչ Կարլո Անչելոտին Լոնդոնի Բարձրագույն դատարան հայց է ներկայացրել իր նախկին ակումբի՝ «Էվերթոնի» դեմ։
Անչելոտին գլխավորել է «Էվերթոնը» 2019 թվականի դեկտեմբերին՝ չորսուկես տարվա պայմանագրով։
Սակայն 18 ամիս անց իտալացի մասնագետը լքեց մերսիսայդյան ակումբը և համաձայնեց վերադառնալ «Ռեալ»։
Այս պահին պարզ չէ, թե Անչելոտին ինչ պահանջներ ունի «Էվերթոնի» նկատմամբ, սակայն հայցը վերաբերում է «ընդհանուր առևտրային պայմանագրերին և պայմանավորվածություններին», – բացատրում է The Guardian-ը:
Անչելոտիի հայցը միայն ավելացնում է ճնշումը «Էվերթոնի» վրա, որը թեև խուսափել է Պրեմիեր լիգայից դուրս մնալուց, բայց դեռևս ֆինանսական ծանր վիճակում է:
«Իրիսները» սպասում են Պրեմիեր լիգայի վճռին ֆինանսական ֆեյր-փլեյի հնարավոր խախտումների վերաբերյալ և հույս ունեն բարելավել իրենց դիրքը՝ ներգրավելով արտաքին ներդրումներ:
