Լևերկուզենի «Բայերը» պաշտոնապես հայտարարեց «Արսենալի» կիսապաշտպան Գրանիտ Ջակայի ձեռք բերման մասին:
2016 թվականին Մյունխենգլադբախի «Բորուսիայից» 35 միլիոն ֆունտով «Արսենալին» միանալուց հետո Ջական անցկացրել է 297 հանդիպում և խփել 23 գոլ, իսկ 2019 թվականին նույնիսկ կարճ ժամանակով կրել է «զինագործների» ավագի թևկապը:
Այն, որ Ջական կարող է գնալ «Բայեր», հայտնի դարձավ դեռ նախորդ մրցաշրջանի ավարտից առաջ։ «Արսենալն» ի վերջո բաց թողեց Գրանիտին, ում պայմանագրի ավարտին մնացել էր ընդամենը մեկ տարի, բայց ստիպեց Լևերկուզենյան ակումբին բարելավել իրենց նախնական առաջարկը:
Ջակայի պայմանագիրը Լևերկուզենի «Բայերի» հետ նախատեսված է մինչև 2028 թվականի հունիսը, իսկ 30 ամյա շվեյցարացու տեղը խաղադաշտում շուտով կզբաղեցնի «Վեստ Հեմի» ավագ Դեքլան Ռայսը։
Բացի այդ, 7 տարվա ընթացքում Ջական «Արսենալի» հետ կարողացավ նվաճել երկու Անգլիայի գավաթ և երկու Անգլիայի Սուպերգավաթ: