«Չելսին» մոտ է կիսապաշտպաններ Մոյսես Կայսեդոյին «Բրայթոնից» և Ռոմեո Լավիային «Սաութհեմպտոնից» 170 միլիոն ֆունտով ձեռք բերելուն:
Այս շաբաթվա սկզբին «Բրայթոնն» ընդունեց «Լիվերպուլի» 105 միլիոն ֆունտ ստերլինգ առաջարկը Կայսեդոյի համար, սակայն Մոյսեսը ծանուցեց «ճայերին», որ ցանկանում էն տեղափոխվել միայն «Չելսի»:
«Չելսին» չի պատրաստվում բաց թողնել իր հիմնական տրանսֆերային նպատակին, և The Telegraph-ն ակնկալում է, որ նրանք 115 միլիոն ֆունտ կվճարեն «Բրայթոնին» Էկվադորի հավաքականի 21 ամյա ֆուտբոլիստի համար:
Ինչպես հաղորդում է Ֆաբրիցիո Ռոմանոն, «Չելսին» արդեն համաձայնեցրել է պայմանագիրը անձամբ Կայսեդոյի հետ, որը նախատեսված է ութ տարով՝ իններորդով երկարաձգելու հնարավորությամբ։
Բացի Կայսեդոյի իրավիճակից, կա «Չելսիի» հետաքրքրությունը Լավիայի նկատմամբ, որին հավակնում է նաև «Լիվերպուլը», որը նախկինում երեք առաջարկ է արել Ռոմեոյի համար:
«Չելսին» պատրաստվում է վճարել 55 միլիոն ֆունտ ստերլինգ 19 ամյա բելգիացու համար, ով շաբաթ օրը «Նորվիչի» դեմ Չեմպիոնշիպի խաղում դուրս էր մնացել «Սաութհեմպտոնի» հայտացուցակից:
Սկզբում «Սաութհեմպտոնը» Լավիայի համար ավելի քիչ էր պահանջում՝ 50 մլն ֆունտ։ Այնուամենայնիվ, «Չելսին» համաձայնել է ավելացնել 5 միլիոն ֆունտ ստերլինգ՝ գերազանցելով «սրբերի» ակնկալիքները՝ վճարումների ավելի հարմար ժամանակացույցի համար:
