Պրեմիեր լիգայում «Էվերթոնի» վաստակած միավորները նվազեցվել են 10-ով՝ Ֆինանսական ֆեյր-փլեյի կանոնները խախտելու պատճառով։
Մարտին «Էվերթոնը» հայտարարեց, որ հինգերորդ անընդմեջ տարին ակումբը աշխատում է կորուստով՝ 2021/22 մրցաշրջանի համար նշելով 44,7 միլիոն ֆունտ ստերլինգ կորուստ:
Պրեմիեր լիգայի կանոնները թույլ են տալիս ակումբներին 105 միլիոն ֆունտ ստերլինգի կորուստ ունենալ երեք տարվա ընթացքում։ «Էվերթոնը» իր կորուստների նմանատիպ ցուցանիշները (124,5 միլիոն ֆունտ) բացատրում է կորոնավիրուսային համաճարակի հետ:
Գործը փոխանցվել է անկախ հանձնաժողովին, որն այսօր հրապարակել է իր վճիռը՝ «Էվերթոնը» մեղավոր է և պետք է պատժվի 10 միավորի նվազեցմամբ։
Տուգանքները ուժի մեջ են մտնում անմիջապես, որից հետո Շոն Դայչի թիմը հանգրվանում է Պրեմիեր լիգայի 19-րդ հորիզոնականում՝ ունենալով ընդամենը չորս միավոր:
Ի պատասխան հայտարարության մեջ «Էվերթոնը» ասաց, որ «ցնցված և վրդովված է կատարված որոշումից»: «Իրիսները» պահպանում են բողոքարկման իրավունքը:
Ավելացնենք, որ նախկինում Պրեմիեր լիգայի պատմության մեջ միավորների նվազեցմամբ պատժվել էին միայն երկու ակումբ՝ «Միդլսբրոն» և «Պորտսմուտը»։ Առաջինից հանվեց երեք միավոր, երկրորդից՝ ինը։ Նշենք, որ երկու ակումբներն էլ դուրս մնացին Պրեմիեր լիգայից հենց նույն մրցաշրջանում։
