«Մանչեսթեր Սիթիի» կիսապաշտպան Դավիդ Սիլվան հայտնել է իր կարծիքը Անգլիայի չեմպիոնության համար մղվող պայքարի մասին: Այս պահին առաջատար «Մանչեսթեր Յունայթեդը» 7 միավորով առաջ է գործող չեմպիոնից:
-Եթե մենք հանկարծ պարտվենք, ապա տարբերությունը կլինի 10 միավոր: Եվ այդ դեպքում մեզ համար դժվար է լինելու:
Բայց եթե մենք պայքարենք, հնարավոր է` մրցակիցը պարտվի:
Մենք պետք է յուրաքանչյուր խաղում հաղթենք, որպեսզի «Մանչեսթեր Յունայթեդը» ճնշվի: Չէ՞ որ եթե նրանք հանկարծ սայթաքեն, մենք նրանց կանցնենք,- ասում է Սիլվան:
Ըստ ֆուտբոլիստի` իրենք չպետք է մտածեն հնարավոր պարտության մասին:
-Պետք է շարունակել խաղալ այնպես, ինչպես մինչ այդ էինք խաղում: Դեռ հնարավոր է հաղթել Պրեմիեր լիգան: BBC
