«Քուինս Պարկ Ռեյնջերսի» հարձակվող Լոիկ Ռեմին, որն ընդամենը երկու խաղի է մասնակցել իր նոր ակումբի կազմում, բաց է թողնելու երկու ամիս աճուկային մկանների վնասվածքի պատճառով:
Ռեմին «Վեստ Հեմի» հետ խաղում (1:1) խփեց իր առաջին գնդակը «ՔՊՌ»-ի կազմում: Այնուհետև նա օգնեց ոչ ոքի խաղալ «Մանչեսթեր Սիթիի» դեմ (0:0), իսկ «Նորվիչի» հետ խաղից առաջ ֆրանսիացին վնասվածք ստացավ:
Ինչպես հայտնում է ESPN-ը, «ՔՊՌ»-ի բժիշկների կարծիքով Ռեմին, որը շաբաթական 80 հազար ֆունտ աշխատավարձ է ստանում, բաց կթողնի երկու ամիս և դաշտ կվերադառնա միայն ապրիլին:
Ռեմիի կորուստը կավելացնի գլխավոր մարզիչ Հարի Ռեդնապի գլխացավը, որը ձմեռային տրանսֆերային պատուհանի ժամանակ չկարողացավ ձեռք բերել Պիտեր Կրաուչին կամ Պիտեր Օդեմվինգիեին: Այժմ ակումբը ստիպված է լինելու հույսը դնել Բոբբի Զամորայի վրա:
