«Արսենալը» պաշտոնապես հաստատել է, որ ձախ պաշտպան Անդրե Սանթոսը վարձավճարով տեղափոխվել է բրազիլիական «Գրեմիե»:
29-ամյա Սանթոսը բրազիլիական ակումբում հանդես կգա մինչև ընթացիկ մրցաշրջանի ավարտը:
Սանթոսը «Արսենալում» է 2011թ-ից: Այդ պահից նա մասնակցել է 36 խաղի և դարձել 4 գոլի հեղինակ: Ձմեռային տրանսֆերային պատուհանի ընթացքում Նաչո Մոնրեալի տրանսֆերը ցույց տվեց, որ Վենգերը հույսեր չի կապում Սանթոսի հետ:
Այս պարագայում «Արսենալը» լուրջ խնդիրներ կունենա Չեմպիոնների Լիգայի 1/8-րդ եզրափակչում, քանի որ Մոնրեալը այս մրցաշրջանում չի կարողանա «Արսենալին» օգնել Չեմպիոնների Լիգայում: Սպասվում է, որ պաշտպանության ձախ եզր կտեղափոխվի թիմի ավագ Թոմաս Վերմալենը:
