Եվրոգավաթներում անհաջող ելույթներից հետո այսօր «Մանչեսթեր Յունայթեդը» և «Չելսին» «Օլդ Թրաֆորդ» մարզադաշտում կվիճարկեն Անգլիայի գավաթի կիսաեզրափակչի ուղեգիրը:
Մանչեսթերյան ակումբը Չեմպիոնների Լիգայի 1/8 եզրափակչում ցավալի պարտություն կրեց Մադրիդի «Ռեալից», ինչը կարող է իր ազդեցությունն ունենալ այս խաղի վրա:
«Չելսին» նույնպես լուրջ խնդիրներ ունի: «Ազնվականները» Եվրոպա լիգայի 1/8 եզրափակչում պարտություն կրեցին կարգով շատ ավելի ցածր «Ստյաուայից»:
Անգլիայի գավաթի խաղարկություններում թիմերը հանդիպել են 11 անգամ: Մեծ առավելություն ունի «Յունայթեդը», որը հաղթել է 8 խաղում: «Չելսին» «Օլդ Թրաֆորդում» կայացած գավաթի խաղարկության վերջին 5 հանդիպումներում չի կարողացել հաղթանակ տանել (4 պարտություն, 1 ոչ-ոքի):
«Յունայթեդը» և «Չելսին» վերջին վեց հանդիիպումներում խփել են 30 գնդակ:
Սէր Ալեքս Ֆերգյուսոնը արդեն հայտնել է, որ այս խաղի մեկնարակային կազմում կլինի Ուեյն Ռունին, ով «Ռեալի» հետ հանդիպմանը անակնկալ կերպով հայտնվել էր պահեստայինների նստարանին: Հանգստանալու հնարավորությւն կստանա իր կարիերայում 1000 խաղ անցկացրած Ռայան Գիգգսը:
«Չելսին» հարձակման կրակագիծ դուրս կբերի սենեգալցի ռմբարկու Դեմբա Բային, ով չմասնակցեց «Ստյաուայի» հետ հանդիպմանը:
Խաղը տեղի կունենա այսօր, Երևանի ժամանակով 20:30-ին:
Մեր կանխատեսումը՝ 3:1
