«Նյուքասլի» գլխավոր մարզիչ Ալան Պարդյուն կարծիք է հայտնել Եվրոպա Լիգայի 1/8 եզրափակչում իր թիմի պատասխան խաղի մասին:
«Կաչաղակներն» առաջին խաղում ոչ ոքի՝ 0:0, խաղացին Մախաչկալայի «Անժիի» հետ, սակայն պատասխան հանդիպմանը հաղթեցին (1:0): Անգլիական ակումբը պայքարը շարունակելու է քառորդ եզրափակչում:
-Մենք դիմակայեցինք հիանալի մրցակցի: Եվ պատրաստ եմ ընդունել, որ մեր բախտը փոքր-ինչ բերեց: Սակայն թիմին օգնեց նաև համբերությունը:
Գիտեք՝ ես հույսս դրել էի այն բանի վրա, որ մենք կհաղթենք մրցակցին լրացուցիչ ժամանակում: Սակայն ամեն ինչ որոշվեց Մարվոյի հիանալի փոխանցման և Սիսեի հոյակապ գոլի շնորհիվ:
Նշեմ, որ մրցակիցները Սիսեի նկատմամբ կոշտ էին խաղում: Սիսեն խփելու հնարավորություն ստացավ միայն այն ժամանակ, երբ «Անժիի» ֆուտբոլիստները հոգնեցին:
Պետք է ասեմ, որ շատ գոհ եմ: Խաղի վերջնամասում հաղթելը մեծ սթրես է: Սակայն ավելի մեծ սթրես է, երբ դու պարտվում ես վերջնամասում,- հայտնել է Պարդյուն:
