«Նյուքասլի» կիսապաշտպան Հաթեմ Բեն Արֆան լուծել է առողջական խնդիրները և այժմ կարող է օգնել իր թիմին:
Ծնկատակի ջիլի վնասվածքի պատճառով Բեն Արֆան բաց է թողել վերջին երեք ամիսը: «Նյուքասլի» բժիշկները կարծում էին, որ 26-ամյա ֆրանսիացին վիրահատության կարիք կունենա:
Սակայն ինչպես հայտնում է The Independent պարբերականը, շաբաթ օրն արդեն Հաթեմը մարզվել է ամբողջ թիմի հետ:
Վերջին վեց խաղերում «կաչաղակներն» ընդամենը երկու հաղթանակ են տոնել: Այժմ «Նյուքասլին» երեք միավոր է բաժանում վտանգավոր գոտուց: Բեն Արֆան կարող է նաև օգնել թիմակիցներին Եվրոպա Լիգայում, որտեղ քառորդ եզրափակչի «Բենֆիկայի» հետ պատասխան խաղում նրանք ստիպված են առնվազն երկու գոլ խփել: