«Լիվերպուլը» գլխավոր հավակնորդն է Այաքսի և Բելգիայի ազգային հավաքականի կենտրոնական պաշտպան Տոբի Ալդերվեյրելդի համար պայքարում:
24-ամյա բելգիացին գնահատվում է 8 մլն ֆունտ: Նրա ծառայություններով նաև հետաքրքրվում են «Մանչեսթեր Յունայթեդը», «Էվերթոնը» և «Նյուքասլը»: Մինչդեռ անձամբ Տոբին նախընտրում է «Լիվերպուլը»:
-Չեմ ցանկանում հանդես գալ անգլիական միջին ակումբում: Ի տարբերություն «Նյուքասլի», «Լիվերպուլը» համապատասխանում է իմ չափանիշներին,- հայտնել է Տոբին բելգիական Het Laatste Nieuws պարբերականին տված հարցազրույցի ժամանակ:
Ակնհայտ է, որ ամառային տրանսֆերային պատուհանի ժամանակ «Լիվերպուլի» գլխավոր նպատակներից մեկը լինելու է պաշտպանության կենտրոնը ուժեղացնելը: Ջեյմի Կարագերն ավարտում է կարիերան, իսկ Մարտին Շկրտելն ու Սեբաստյան Քոաթեսն այնքան էլ լավ մարզավիճակում չեն:
