«Լիվերպուլի» պաշտպան Ջեյմի Կարագերը մեկնաբանել է լուրերն այն մասին, թե ընթացիկ մրցաշրջանի ավարտից հետո հարձակվող Լուիս Սուարեսը կարող է հեռանալ մերսիսայդյան ակումբից:
-Լուիս Սուարեսը չափազանց կարևոր է «Լիվերպուլի» համար: Նա լավագույն ֆուտբոլիստներից մեկն է ոչ միայն Անգլիայի Պրեմիեր Լիգայում, այլև ամբողջ աշխարհում:
Մենք բոլորս էլ շատ ենք ցանկանում նրան պահել մեր թիմում: Վստահ եմ, որ Լուիսը կմնա «Լիվերպուլում»: Նրան այստեղ դուր է գալիս, երկրպագուները նույնպես նրան շատ են սիրում,- ասել է Կարագերը:
Հիշեցնենք, որ ավելի վաղ հայտնել են, որ Լուիս Սուարեսը հնարավոր է ամռանը տեղափոխվի «Յուվենտուս»: Անձամբ ուրուգվայցին հաստատել է, որ պատրաստ է դիտարկել այլ ակումբների առաջարկները:
