Էլեկտրոնային առևտրի հսկա Amazon-ը պատրաստ է մրցակցել Google-ի հետ՝ «Տոտտենհեմի» մարզադաշտը վերանվանելու իրավունքները գնելու համար։
Օրերս «Տոտտենհեմի» երկրպագուներին ոգևորել էր այն լուրը, որ իրենց ակումբը կարող է պայմանագիր կնքել Google-ի հետ՝ վերանվանելու «Տոտտենհեմ Հոթսպուր» մարզադաշտը:
Ըստ Football Insider-ի՝ «Շպորների» նախագահ Դենիել Լևին հույս ունի հավաքել մինչև 250 միլիոն ֆունտ ստերլինգ հաջորդ 10 տարվա ընթացքում հովանավորչական գործարքի կնքումից հետո:
Սակայն Football Insider-ը, պնդում է, որ Լևին բանակցություններ է վարում ոչ միայն Google-ի հետ։ Պոտենցիալ գործընկերներից մեկը՝ Amazon-ն է:
Հարկ է նշել, որ «Տոտտենհեմն» ու Amazon-ը արդեն լավ հարաբերություններ ունեն։ Ոչ վաղ անցյալում ամերիկյան ընկերությունը պատրաստեց «Ամեն ինչ կամ ոչինչ» վավերագրական ֆիլմ «Շպորների» 2019/20 մրցաշրջանի մասին:
Նշենք, որ, Պրեմիեր լիգայում նմանատիպ ամենախոշոր գործարքը «Մանչեսթեր Սիթիի» և «Էթիհադի» համագործակցությունն է, որը քաղաքացիներին տարեկան վճարում է 21,9 միլիոն ֆունտ ստերլինգ։
