«Մանչեսթեր Յունայթեդն» անգլիական պրոֆեսիոնալ ֆուտբոլային ակումբ է. այն հիմնվել է 1878 թվականին Մանչեսթեր քաղաքում: Սկզբնական շրջանում ակումբն անվանվել է «Նյուտոն Հիթ» և միայն 1902 թվականին դարձել «Մանչեսթեր Յունայթեդ», իսկ արդեն 1910 թվականից իր խաղերն անց է կացնում «Օլդ Թրաֆորդ» մարզադաշտում: 1958թ-ին Մյունխենում տեղի ունեցած ինքնաթիռի վթարի հետևանքով զոհվում են ակումբի 8 խաղացողներ: 1968թ-ին Մեթ Բեզբիի գլխավորությամբ «Մանչեսթեր Յունայթեդը» դառնում է առաջին անգլիական ակումբը, որը նվաճում է Եվրոպական գավաթը: 1986թ-ի նոյեմբերից ղեկավարության ղեկը ստանձնեց Սէր Ալեքս Ֆերգյուսոնը, և նրա օրոք ակումբը կարողացավ նվաճել  38 տիտղոս: «Մանչեսթեր Յունայթեդի» տիտղոսները բազմազան են. Պրեմիեր Լիգայի ռեկորդային 20 տիտղոս, Անգլիայի Ֆուտբոլի գավաթի 12 տիտղոս, Լիգայի 6 Գավաթ և Անգլիայի Ֆուտբոլի Սուպեր Գավաթի 21 տիտղոս: Ակումբը հաղթել է նաև 8 Եվրոպական Գավաթ, 3 անգամ ՈւԵՖԱ-ի գավաթակիրների գավաթը (Չեմպիոնների լիգա), ՈՒԵՖԱ-ի սուպեր գավաթը, Միջմայրցամաքային Գավաթ և ՖԻՖԱ-ի Աշխարհի ակումբային Գավաթ: 1998-99 մրցաշրջանում ակումբը հաղթում է Թրեբլ` Պրեմիեր Լիգա, Անգլիայի Ֆուտբոլի Գավաթ և ՈւԵՖԱ-ի Չեմպիոնների Լիգա. սա աննախադեպ երևույթ է անգլիական ակումբի համար: 2016-17 թվականներին Ժոզե Մոուրինյոյի գլխավորությամբ հաղթելով ՈՒԵՖԱ-ի Եվրոպա լիգան, նրանք դարձան այն հինգ ակումբներից մեկը, որոնք հաղթել են ՈՒԵՖԱ-ի երեք հիմնական ակումբային մրցաշարերում (Չեմպիոնների լիգա, Եվրոպա լիգա և գավաթակիրների գավաթ): «Մանչեսթեր Յունայթեդը» համարվում է աշխարհի ամենահարուստ և երկրպագուների ամենամեծ բանակն ունեցող թիմերից մեկը: 2012թ-ի հուլիսի տվյալներով «Ֆորբս» ամսագրի աշխարհի 50 ամենարժեքավոր սպորտային թիմերի ցանկում ակումբը զբաղեցրել է առաջին հորիզոնականը` արժենալով 2.23 միլիարդ դոլար: