«Արսենալը» պաշտոնապես հայտնել է Մոսկվայի «Սպարտակի» փորձառու կիսապաշտպան Կիմ Չելստրեմին վարձակալելու մասին:
31-ամյա Չելստրեմը «Էմիրեյթս» է տեղափոխվել մեծ փորձով: Շվեդիայի ազգային հավաքականում Կիմը մասնակցել է 108 խաղի՝ այդ թվում Եվրոպայի առաջնությանը և 2006թ-ի աշխարհի առաջնությանը:
Կիմը «Լիոնի» հետ երկու անգամ հաղթել է Ֆրանսիայի առաջնությունը և Ֆրանիսայի գավաթը: 2009/10 մրցաշրջանում Չելստրեմը «Լիոնի» հետ հասավ Չեմպիոնների Լիգայի կիսաեզրափակիչ:
