Ինչպես հայտնում է Daily Mail-ը, «Բեշիկթաշը» հետաքրքրվում է «Մանչեսթեր Յունայթեդի» ձախ պաշտպան Ալեքսանդր Բյուտներով:
Տաղանդավոր հոլանդացին «Օլդ Թրաֆորդ» է ժամանել ընդամենը մեկ տարի առաջ, սակայն այս ընթացքում հաշված քանակով խաղեր է անցկացրել և չի կարողացել հիմնական կազմում տեղի համար մրցակցությունում հաղթել Պատրիս Էվրային:
Բյուտների ապագան «Յունայթեդում» հարցականի տակ է` հաշվի առնելով, որ ակումբը ցանկանում է ձեռք բերել «Էվերթոնի» պաշտպան Լեյթոն Բեյնսին:
Աղբյուրի համաձայն, Ալեքսանդրը կարող է կարիերան շարունակել «Բեշիկթաշում»: Այնուամենայնիվ, թուրքական ակումբը դեռևս պաշտոնական առաջարկ չի կատարել:
