«Ռեդինգի» գլխավոր մարզիչ Բրայան Մակդերմոտտը հերքել է, որ իր ակումբը հետաքրքրված է «Արսենալի» հարձակվող Անդրեյ Արշավինի ծառայություններով:
Լուրեր են պտտվում այն մասին, որ 31-ամյա «զինագործին» ցանկանում է ձեռք բերել «Ռեդինգի» սեփականատեր Անտոն Զինգարևիչը: Որոշ լրատվամիջոցներ հայտնում են, որ ակումբներն արդեն սկսել են Արշավինի տրանսֆերի հետ կապված բանակցությունները: Մինչդեռ Մակդերմոտտին այդ մասին ոչինչ հայտնի չէ:
-Չեմ կարծում, որ դա ճիշտ է: Տարվա այս ժամանակ միշտ էլ նման բամբասանքներ լինում են: Ես այդ մասին ոչինչ չգիտեմ,- ասել է Մակդերմոտտը: Sky Sports
