«Լիվերպուլի» գլխավոր մարզիչ Բրենդան Ռոջերսը խոստովանել է, որ իր համար մեծ պատիվ է կիսապաշտպան Սթիվեն Ջերարդին մարզելը:
Ընթացիկ մրցաշրջանում 32-ամյա Ջերարդն իսկական օրինակ է ծառայում իր երիտասարդ թիմակիցների համար: Նա մասնակցել է Պրեմիեր Լիգայի բոլոր հանդիպումներին և որոշիչ գոլերի հեղինակ դարձել: Ահա և երեկ կայացած «Աստոն Վիլլայի» հետ խաղում (1:2) Սթիվենն իրացրեց հաղթական 11 մետրանոց հարվածը՝ իր թիմին բերելով 3 միավոր: Հետխաղյա մամլո ասուլիսի ժամանակ Ռոջերսը խոսեց ֆուտբոլիստի որակների մասին:
-Սթիվենը հիասքանչ անձնավորություն է: Անգլիայի ազգային հավաքականից վերադառնալուց հետո նրան անհրաժեշտ էին ներարկումներ, և նա ամբողջ ուժով դիմացավ նախնական ծանրաբեռնվածությանը:
Նա իսկական ներշնչանք է: «Լիվերպուլում» հաջողության հասնելու նրա ծարավն ու ցանկությունը պարզապես հիացնում են: Նույնիսկ չեմ կարող նկարագրել իմ վերաբերմունքն իր նկատմամբ: Հսկայական պատիվ և արտոնություն է մարզել Ջերարդի նման ֆուտբոլիստին,- հայտնել է Ռոջերսը: The Telegraph
