«Լիվերպուլի» կենտրոնական պաշտպան Դանիել Ագգեռը վստահ է, որ գլխավոր մարզիչ Բրենդան Ռոջերսը մոտակա ժամանակներս թիմին հաջողության կհասցնի:
Վերջերս թիմը դուրս մնաց Եվրոպա Լիգայի հետագա պայքարից: Սա նշանակում է, որ «կարմիրներն» ընթացիկ մրցաշրջանը կավարտեն առանց որևէ տիտղոսի: Մինչդեռ 28-ամյա պաշտպանը վստահ է, որ հաջորդ մրցաշրջանում թիմն ավելի հաջող հանդես կգա:
-Այս ակումբը տիտղոսներ նվաճելու է, այդ մասին նույնիսկ խոսելու կարիք չկա: Իհարկե, վստահ եմ, որ տիտղոսներ կլինեն: Թող և ոչ այս տարի, որը նորմալ է: Մենք փոխում ենք մեր խաղի ոճը, իսկ արդյունքները ոչ միշտ են այնպիսին, ինչպես որ մենք կուզենայինք: Սակայն մենք լավ ենք խաղում:
Մի քանի պահ կա, որ մեզ անհանգստացնում է: Մենք կայունության և ավելի շատ խաղացողների կարիք ունենք: Պետք է աշխատել դրանց վրա մինչև հաջորդ մրցաշրջանի մեկնարկը:
Եթե մենք կարողանանք ցուցադրել այս նույն մակարդակն ավելի շատ խաղերում, քան այժմ, ապա հաջորդ մրցաշրջանը մեզ համար ավելի լավը կլինի,- հայտնել է Ագգեռը: Goal
