«Չելսիի» պաշտպան Դավիդ Լուիզը խոսել է եվրոգավաթային հանդիպումների մասին: Բացի այդ բրազիլացին գնահատել է իրենց մրցակից «Ռուբինի» հնարավորությունները Եվրոպա Լիգայում:
-Շատ կարևոր է, որ մասնակցում ենք եվրոպական առաջնությունների, որովհետև դու խաղում ես աշխարհի լավագույն ֆուտբոլիստների և տարբեր երկրների ներկայացուցիչների հետ: Եվրոպայում բոլոր ակումբները տարբերվում են միմյանցից, ոճերն են տարբեր:
«Ռուբինն» արդեն հաղթել է երկու լավ իսպանական թիմերին: Ակնհայտ է, որ լավ թիմ է, եթե հասել է առաջնության այս փուլ:
«Չելսիում» բոլորը վստահ են: Երբ հաղթում ես «Մանչեսթեր Յունայթեդի» նման թիմին, դա դրական ազդեցություն է թողնում տրամադրվածության վրա,- հայտնել է Դավիդ Լուիզը:
Եվրոպա Լիգայի քառորդ եզրափակչի առաջին խաղը «Չելսիի» և «Ռուբինի» միջև կայանալու է այսօր երեկոյան:
