Ընթացիկ մրցաշրջանում Պրեմիեր Լիգայի ամենից շատ վաճառվող մարզաշապիկը «Մանչեսթեր Յունայթեդի» վինգեր Մեմֆիս Դեպայինն է։
Հիշեցնենք, որ այս ամառ «կարմիր սատանաները» տաղանդավոր հոլանդացու համար 25 մլն ֆունտ վճարեցին ՊՍՎ-ին, ով «Օլդ Թրաֆորդում» ստացավ 7 համարը և շատ արագ դարձավ Լուի վան Գալի թիմի առանցքային ֆուտբոլիստներից։
Ինչպես հայտնում է Manchester Evening News-ը՝ հղում անելով Kitbag-ի տվյալներին, Դեպայի անունով մարզաշապիկը ոչ միայն ամենավաճառվողն է Պրեմիեր Լիգայում, այլ նաև երրորդն է ամբողջ աշխարհում՝ Լիոնել Մեսիի և Կրիշտիանու Ռոնալդուի մարզաշապիկներից հետո։
Հուլիսի 1-ից սեպտմեբերի 20-ը ամանաշատ վաճառված մարզաշապիկները․
1. Լիոնել Մեսսի («Բարսելոնա»)
2. Կրիշտիանու Ռոնալդու («Ռեալ»)
3. Մեմֆիս Դեպայ («Մանչեսթեր Յունայթեդ»)
4. Բաստիան Շվայնշտայգեր («Մանչեսթեր Յունայթեդ»)
5. Էդեն Ազար («Չելսի»)
6. Ուեյն Ռունի («Մանչեսթեր Յունայթեդ»)
7. Նեյմար («Բարսելոնա»)
8. Սերխիո Ագուերո («Մանչեսթեր Սիթի»)
9. Ալեքսիս Սանչես («Արսենալ»)
10. Ֆիլիպե Կոուտինյո («Լիվերպուլ»)
