Պրեմիեր Լիգայի 33-րդ տուրի այսօրվա առաջին խաղը տեղի ունեցավ Լիվերպուլի «Գուդիսոն Պարկ» մարզադաշտում, ուր «Էվերթոնը» հյուընկալել էր 4-րդ հորիզոնականում գտնվող «Արսենալին»:
Ռոբերտո Մարտինեսի սաները սեփական հարկի տակ վստահ խաղ անցկացրին՝ հաղթելով 3:0 հաշվով: Մերսիսայդցիներից գոլերի հեղինակ դարձան Սթիվեն Նեյսմիթը և Ռոմելու Լուկակուն: Մեկ անգամ էլ գնդակը սեփական թիմի դարպասն ուղարկեց «զինագործների» կիսապաշտպան Միկել Արտետան:
Այս հաղթանակից հետ «Էվերթոնը»՝ վաստակած 63 միավորով կշարունակի զբաղեցնել 5-րդ հորիզոնականը:
Գոլեր. Նեյսմի՝ 14ր, Լուկակու՝ 34ր, Արտետա՝ 61ր (ինքն.):
