«Լիվերպուլը» մրցավարական խորհրդից խնդրել է մրցավարների խոսակցությունների ձայնագրությունը՝ Լուիս Դիասի չեղարկված գոլի հետ կապված դրվագում։
Հիշենք, որ VAR-ի մրցավար Դարեն Ինգլենդը չկարողացավ ուղղել մրցավար Սայմոն Հուպերի սխալը Դիասի գոլի հետ կապված դրվագում։
Ինգլենդը կարծում էր, որ Դիասի գոլը հաշվվել էր Հուպերի կողմից և չմիջամտեց այդ դրվագին, երբ տեսավ, որ խաղից դուրս է, բայց Սայմոնի նախնական որոշումն էր՝ չեղարկել գոլը:
Նախօրեին «Լիվերպուլն» արդեն հայտարարություն էր տարածել այս կապակցությամբ՝ սպառնալով մրցավարական կորպուսին «էսկալացիայով», իսկ այժմ մերսիսայդյան ակումբը խոսքից անցել է գործի։
Կոնկրետ գործողությունները որոշելու համար «Լիվերպուլը» խնդրել է մրցավարական խորհրդին տրամադրել Հուպերի խոսակցությունների ձայնագրությունը Ինգլենդի և Դեն Կուկի հետ, ով այս խաղում հանդես էր գալիս որպես VAR մրցավարի օգնական, հայտնում է BBC-ն։
