«Լիվերպուլի» գլխավոր մարզիչ Յուրգեն Կլոպը հաստատել է, որ արդեն կողմնորոշվել է իր թիմի նոր ավագի հարցում։
2015 թվականի հունիսին «Լիվերպուլից» Սթիվեն Ջերարդի հեռանալուց հետո «կարմիրների» ավագը հանդիսանում էր կիսապաշտպան Ջորդան Հենդերսոնը, ով այս շաբաթ մեկնեց Սաուդյան Արաբիայի առաջնությունը ներկայացնող «Ալ Իտիֆակ»:
Այսպիսով, Կլոպի օրոք «Լիվերպուլը» Հենդերսոնից բացի այլ մշտական ավագ չի ունեցել, սակայն Ջորդանի հեռանալը Յուրգենին փակուղու առաջ չկանգրեցրեց։
«Ես արդեն կայացրել եմ իմ որոշումը, բայց նախ պետք է դրանով կիսվեմ իմ խաղացողների հետ»,- Կլոպի խոսքերն է մեջբերում Daily Mirror-ը։
Բացի այդ, «Լիվերպուլի» նոր ավագի ֆավորիտ է համարվում պաշտպան Վիրջիլ վան Դեյկը, ով ակումբում իրեն դրսևորել է որպես իսկական առաջատար և, բացի այդ, ավագի թևկապը նա կրում է նաև Հոլանդիայի հավաքականում։
