«Մանչեսթեր Յունայթեդը» նախորդ մրցաշրջանում վաստակել է ռեկորդային՝ 648,4 միլիոն ֆունտ ստերլինգ։
«Յունայթեդը» 2022 թվականի հուլիսից մինչև 2023 թվականի հունիսը վաստակել է 648,4 միլիոն ֆունտ ստերլինգ, ինչը 11 տոկոսով ավելի է, քան նախորդ 12 ամսյա ժամանակահատվածում։
Այսպիսով, «Յունայթեդը» գերազանցեց 2018/19 մրցաշրջանում սեփական ձեռքերով սահմանած ողջ Պրեմիեր լիգայի ռեկորդը (627 միլիոն ֆունտ ստերլինգ):
Օլդ Թրաֆորդը ներկայացնող ակումբը կանխատեսում է, որ մինչև 2023/24 մրցաշրջանի ավարտը ավելի շատ կվաստակի՝ 650-ից մինչև 680 միլիոն ֆունտ ստերլինգ:
Չնայած նման տպավորիչ թվերին, «Յունայթեդը» չկարողացավ հասնել եկամտաբեր մակարդակի։ Հաշվետու ժամանակաշրջանի վերջում «կարմիր սատանաները» գրանցեցին 42,1 միլիոն ֆունտ ստերլինգի վնաս:
Միաժամանակ աշխատավարձի չափը նվազել է 52,8 մլն ֆունտով՝ հասնելով 331,4 մլն ֆունտի։ Դա պայմանավորված է թիմի կազմի կրճատմամբ և Չեմպիոնների լիգային չմասնակցելու պատճառով աշխատավարձերի ավտոմատ կրճատմամբ։
12 ամսյա ժամանակահատվածում «Յունայթեդի» պարտքը դոլարային արտահայտությամբ մնացել է անփոփոխ՝ մնալով 650 միլիոն դոլար: Բայց փոխարժեքի արժևորման պատճառով այն ավելացել է ֆունտով՝ 507-ից հասնելով 538 մլն ֆունտի։
