«Չելսիի» գլխավոր մարզիչ Ժոզե Մոուրինյոն խոստովանել է, որ հետաքրքրված է «Մանչեսթեր Յունայթեդի» հարձակվող Ուեյն Ռունիով:
Ռունիի ապագան դեռևս հարցականի տակ է: Չնայած «կարմիր սատանաների» գլխավոր մարզիչ Դևիդ Մոյեսի հավաստիացումներին, Ուեյնը լռություն է պահպանում:
Մոուրինյոն իր համակրանքը Ռունիի հանդեպ չի թաքցնում, բայց հրաժարվում է քննարկել իր ակումբի շանսերն Անգլիայի հավաքականի աստղին ձեռք բերելու գործընթացում:
-Ես չեմ կարող խոսել այլ ակումբների ֆուտբոլիստների մասին: Բայց դուք ինձ գիտեք. իմ ոճի մեջ չէ կեղծավորություն անելը, և ես միշտ ասում եմ այն, ինչ մտածում եմ:
Այս ֆուտբոլիստն ինձ շատ է դուր գալիս, բայց ավելին ասել չեմ կարող: Ավելի ճիշտ և հստակ լինելու համար ես ասում եմ, որ նա ինձ դուր է գալիս, բայց նա «Մանչեսթեր Յունայթեդի» խաղացող է,- Մոուրինյոյի խոսքերն է մեջբերում Sky Sports-ը:
